O‘zbekiston Professional futbol ligasi (O‘zPFL) Superliganing avgust oyidagi eng yaxshi futbolchisi bo‘lish uchun nomzodlar ro‘yxatini ma’lum qildi
«Navbahor» forvardi Husayn Norchayev ushbu oyda 5 o‘yinda maydonga tushgan va 6 marta raqiblari darvozasini ishg‘ol qilgan.
photo: Navbahor FK
O‘zbekiston Professional futbol ligasi (O‘zPFL) Superliganing avgust oyidagi eng yaxshi futbolchisi bo‘lish uchun nomzodlar ro‘yxatini ma’lum qildi. Unga ko‘ra, besh nafar futbolchi g‘oliblik uchun kurash olib boradi.
«Navbahor» forvardi Husayn Norchayev ushbu oyda 5 o‘yinda maydonga tushgan va 6 marta raqiblari darvozasini ishg‘ol qilgan.
«So‘g‘diyona» hujumchisi Lyupcho Doriyev 5 bahsda 5 gol va 3 assist qayd etgan bo‘lsa, «Lokomotiv» a’zosi Suhrob Nurulloyev 5 uchrashuvda 2 tadan gol va assist muallifi bo‘lgan.
Shuningdek, «Buxoro» vakili Vladimir Rodich 5 o‘yinda 3 gol va 1 assistni o‘z nomiga rasmiylashtirib qo‘ygan. «Neftchi» yarimhimoyachisi Vladimir Yovovich esa 5 bellashuvda 5 marta jamoadoshlarining gollariga assistentlik qilgan.
