O‘zbekiston olimpiya jamoasi iyun oyida Sloveniya yig‘inini o‘tkazadi

O‘zbekiston U-23 olimpiya jamoasi iyun oyida Sloveniya yig‘inini o‘tkazadi. Bu haqda O‘FA matbuot xizmati xabar berdi.

Ravshan Haydarov boshqaruvidagi jamoa yig‘in doirasida Yaponiya va AQSh jamoalariga qarshi o‘rtoqlik o‘yinlarida ishtirok etadi.

5 iyun
O‘zbekiston — Yaponiya;

8 iyun
O‘zbekiston — AQSh.

Ma’lumot o‘rnida, ushbu jamoa mart oyida Rossiya va Albaniyaga qarshi o‘rtoqlik bahsini o‘tkazgandi. Rossiyalik futbolchilarga qarshi bellashuv 1:2 hisobida mag‘lubiyat bilan yakunlangan bo‘lsa, Albaniya bilan o‘yin 2:3 hisobida nihoyasiga yetgandi.

Roziqjon Sultonmurodov

Jurnalist