O‘zbekiston Kubogi 1/8 finaliga 23 may kuni qur’a tashlanadi
Photo: UzPFL
O‘zbekiston Kubogi o‘zining qizg‘in pallasi sari intilmoqda.
21-may kuni O‘zbekiston Kubogining guruh bosqichi bahslari yakuniga yetadi. Sport tamoyillariga amal qilgan holda, guruhlardagi so‘nggi tur o‘yinlari bir vaqtda boshlanadi.
Iyun oyining ikkinchi yarmida 1/8 final uchrashuvlari o‘tkaziladi. Ushbu bosqich uchun qur’a 23-may kuni tashlanadi. Jarayon jonli efirda namoyish etiladi. Aynan shu kuni Superliga 11-turining Andijon — Surxon uchrashuvi start oladi. Rejaga ko‘ra, qur’a ana shu bahs oldidan o‘tkaziladi.
Ma’lumot uchun, guruhni peshqadam sifatida yakunlagan jamoa 1/8 finalda raqibini o‘z maydonida qabul qiladi.
Roziqjon Sultonmurodov
Jurnalist