Oʻzbekiston futbolidagi Superkubok uchrashuvi may oyida qayerda oʻtkazilishi aniq boʻldi
27 may kuni mamlakatning amaldagi chempioni - "Nasaf" va Oʻzbekiston Kubogi sohibi - "Andijon" Superkubok uchun oʻzaro bahs olib borishadi. Ushbu uchrashuv "Bunyodkor" stadionida boʻlib oʻtadi. Professional futbol ligasi, stadion ma'muriyati va Uzcard kompaniyasi musobaqaning titul homiylari hisoblanadi. Tomonlar oʻyinni aynan shu stadionda oʻtkazish yuzasidan oʻzaro kelishuvga erishdi.
Nizomga koʻra, mamlakat chempioni sifatida "Nasaf" nominal mezbon sifatida maydonga tushadi. Superkubok uchrashuviga oid boshqa tashkilotchilik masalalari klublar oʻrtasida kelishuv asosida hal etiladi.
"Nasaf" 2024 yilgi Superligada 52 ochko toʻplab, yaqin taqibchisi — "OKMK"ni besh ochkoga ortda qoldirgan holda chempionlikni qoʻlga kiritdi. "Andijon" Oʻzbekiston Kubogi finalida "Navbahor"ni 3:2 hisobida magʻlub etib, musobaqa gʻolibi boʻldi.
