O'zbek telekanallari Yevropa futboli uchun kurashda yangi yutuqqa erishdi
O‘zbekiston ommaviy axborot vositalari futbol muxlislari uchun yangi mavsum oldidan muhim yangilik tarqatdi. «Sport TV» va «Futbol TV» telekanallarini o‘z ichiga olgan MTRK media-xoldingi, shuningdek, xususiy «Zo‘r TV» kanali Italiya chempionati (A Seriya), Italiya kubogi, Ispaniya chempionati (La Liga) va Angliya kubogini to‘liq namoyish qilish huquqini qo‘lga kiritdi. Bu haqida «Sport TV» sharhlovchisi Otabek Jo‘rayev ijtimoiy tarmoqda ma’lum qildi.
Jo‘rayevning ta’kidlashicha, kelishuv faqat o‘yinlar translyatsiyasini emas, balki studiya dasturlari, bahslar oldidan va so‘nggi tahlillar, jonli reportajlar hamda maxsus kontentni ham qamrab oladi. «Futbol TV» va «Sport TV» o‘tgan mavsumlarda ham Yevropa grandlarining o‘yinlarini yuqori saviyada efirga uzatib kelgan, yangi shartnoma esa mahalliy sport telekanallari uchun yangi imkoniyatlar eshigini ochadi.
Shu bilan birga, Yevropa Premier-ligalari bo‘yicha translyatsiya huquqlari turli xoldinglar qo‘lida. Mavsum boshlanishi arafasida OAV «Setanta Sports» platformasi O‘zbekiston hududida Angliya Premier-ligasining 2025/26 yilgi mavsumini namoyish qilish huquqini olgani haqida xabar bergan edi. Demak, APL o‘yinlari asosan ushbu streaming xizmat orqali tomoshabinlarga yetkaziladi.
