Oydinoy Turgunova: G‘alaba uchun, albatta, gollar kerak

Oydinoy Turgunova (Kechagi o'yin qahramoni) Marokash bilan o'yindan keyin fikr bildirdi.

"Bugungi o‘yin zo‘r bo‘ldi. Jamoamiz bilan oxirigacha g‘alaba uchun kurashdik. Murabbiyimizning ko‘rsatmalari asosida birdek harakat qildik. Bu g‘alabamizning asosiy sababi bo‘ldi.

G‘alaba uchun, albatta, gollar kerak. Bugun ko‘proq gol kiritishga harakat qildik. Imkoniyatlarimdan unumli foydalandim. Bunda jamoadoshlarimning ham hissasi katta bo‘ldi. Ularga ham buning uchun rahmat aytaman.

Xitoy terma jamoasiga qarshi munosib o‘yin ko‘rsatib, g‘alaba qilish niyatidamiz. Nasib etsa, O‘zbekistonga mundial yo‘llanmasi bilan qaytamiz. Buning uchun oxirigacha kurashamiz. Bizga ishonch bildirgan barchaga rahmat",-dedi futbolchi.

Ibrohim Jalolov

Redaktor