Oyarsabal Ispaniya terma jamoasining JCH-2026 dagi g'alaba imkoniyatlarini baholadi
Ispaniya terma jamoasi hujumchisi Mikel Oyarsabal milliy jamoaning 2026 yilgi jahon chempionatidagi g'alaba imkoniyatlari haqidagi savolga javob berdi. Ispanlar N guruhida Kabo-Verde, Saudiya Arabistoni va Urugvay terma jamoalari bilan o‘ynaydi.
— Ispaniyaning turnirdagi g'alaba imkoniyatlarini qanday baholaysiz?
— Biz o‘zimizga ishonamiz va qatʼiyatlimiz. O‘zimizni boshqalardan ustun, deb hisoblamaymiz. Biz manmanlik qilmaymiz, lekin o‘z kuchimizga ishonchimiz komil. Murabbiy doim shu jihatga urg‘u beradi va, o‘ylaymanki, ikki yil avvalgi Evrodagi muvaffaqiyatimizda aynan shu omil hal qiluvchi rol o‘ynagan.
O‘zingga ishonish, jamoadoshlarga ishonch va asosiy tarkib futbolchilari ham, zaxiradan maydonga tushadiganlar ham jamoa uchun bor kuchini berishini unutmaslik kerak. Fikrimcha, o‘tgan safar aynan shu muvaffaqiyat kaliti bo‘ldi — va bu yana natija berishi mumkin, — deya Oyarsabalning so‘zlarini keltiradi FIFA rasmiy sayti.
