Otavio – «Al-Qodisiya» futbolchisi
ФОТО: Getty images
“An-Nasr” hujumkor yarim himoyachisi Otavio endi “Al-Qodisiya” futbolchisiga aylandi. Bu haqida klub matbuot xizmati rasmiy tarzda e'lon qildi.
O‘tgan mavsumda 30 yoshli portugaliyalik futbolchi riyodliklar safida 40 ta o‘yinda maydonga tushib, bitta gol urdi va 8 ta golli uzatmani amalga oshirdi.
Otavio Saudiya Arabistoniga ko‘chib o‘tishidan avval “Portu” klubi sharafini himoya qilgan. Shuningdek, Portugaliya milliy terma jamoasi safida 22 ta o‘yin o‘tkazib, 3 ta gol muallifiga aylangan.
