Otabek Shukurov faoliyatini Ozarbayjon chempionatida davom ettirishi mumkin edi

Ozarbayjonning «Turon Tovuz» klubi tarkibini o‘zbekistonlik futbolchi bilan kuchaytirishni rejalashtirgandi. Bu haqda Sport24.az xabar berdi.

Ma’lum qilinishicha, klub vakillari O‘zbekiston milliy jamoasi a’zosi Otabek Shukurovga qiziqish bildirgan.

30 yoshli yarim himoyachi Birlashgan Arab Amirliklarining «Baniyas» jamoasidan ketganidan so‘ng erkin agent maqomini olgan. «Turon Tovuz» esa ushbu vaziyatdan foydalanib, futbolchi bilan shartnoma imzolashni rejalashtirgan. Biroq tomonlar kelishuvga erisha olmagan.

Qayd etish lozim, Shukurov yozda o‘tkazilgan jahon chempionatida O‘zbekiston milliy jamoasining uchala uchrashuvida ham maydonga tushgan.

Roziqjon Sultonmurodov

Jurnalist

0 0 0 1 0 0