Opta La Ligada chempionlik poygasi favoritlarini ma'lum qildi
"Real" ikkinchi o‘rinni egallagan.
ФОТО: Getty images
Opta portali Ispaniya chempionati oldidan jamoalarning imkoniyatlarini baholadi.
Unga ko‘ra, "Barselona" 45,6% ehtimol bilan titul uchun asosiy da'vogar sifatida e’tirof etildi. Ikkinchi o‘rinda "Real" (31%), uchinchi o‘rinda esa "Atletiko" (8,6%) bormoqda. Top-5 likdan shuningdek "Vilyarreal" (3,3%) va "Betis" (2,1%) joy olgan.
"Deportivo" 29,2% ehtimol bilan mavsum yakunlariga ko‘ra ligani tark etishga eng asosiy nomzod bo‘lib turibdi. Quyiga tushib ketish uchun asosiy da'vogarlar qatoridan shuningdek "Elche" (28,4%) va "Sevilya" (27,7%) ham o‘rin olgan.
