Opta: Fransiya JCh-2026 gʻolibligi uchun asosiy favoritga aylandi
Opta analitik platformasining superkompyuteri 2026 yilgi Jahon chempionati gʻolibligi uchun ehtimollarni yangiladi.
Yangi hisob-kitoblarga ko‘ra, Fransiya terma jamoasi mundialda gʻolib chiqish uchun asosiy favorit sifatida belgilangan.
Fransiyaning chempionlik ehtimoli 28,89 foiz deb baholangan. Guruh bosqichidan so‘ng bu koʻrsatkich 18,66 foizni tashkil etgandi.
Chempionlik uchun asosiy da’vogarlar uchligi quyidagicha:
1. Fransiya — 28,89%
2. Argentina — 16,32%
3. Ispaniya — 12,96%
Argentinaning chempionlik imkoniyati 1/16 finaldan keyin biroz oshdi (avval 16,26%), Ispaniyaniki esa aksincha pasaydi (avval 13,47%).
Opta reytingiga ko‘ra, kuchli o‘nlikdan yana quyidagi jamoalar joy olgan:
• Braziliya — 9,11%
• Angliya — 8,14%
• Portugaliya — 5,00%
• Kolumbiya — 3,38%
• Marokash — 3,21%
• Norvegiya — 2,86%
• Meksika — 2,68%
Eslatib o‘tamiz, 2026 yilgi Jahon chempionati 1/8 final bahslari 4–7 iyul kunlari bo‘lib o‘tadi. Ushbu uchrashuvlardan so‘ng superkompyuterning prognozlari yana yangilanishi kutilmoqda.
