OFK rasmiy sayti o'zbekistonlik darvozabonni e'tirof etdi
FOTO: UzbekistanFA
OFK rasmiy sayti 2025-yilgi U-17 Osiyo kubogida e'tibor qaratish shart bo‘lgan va saralash bosqichida yorqin o‘yin namoyish etgan yosh futbolchilar qatorida O‘zbekiston U-17 terma jamoasi darvozaboni Ne'matulloh Rustamjonovni e’tirof etdi.
“Oʻzbekiston saralash bosqichida o‘z darvozasi daxlsizligini saqlab qolgan jamoa boʻlib, Nematulloh Rustamjonov bu borada ishonchli o‘yin namoyish etdi”, - deyiladi xabarda.
Eslatib o'tamiz, 17 yoshgacha bo'lgan futbolchilar o'rtasidagi Osiyo kubogi 3-apreldan 20-aprelga qadar Saudiya Arabistoni mezbonligida bo'lib o'tadi.
Nasrullo Karimov
Jurnalist