Nurbek Sarsenbaevning diskvalifikatsiya muddati yakunlandi
U Xorvatiyaga qarshi bahsda maydonga tushishi mumkin.
Фото: ЎФА
Maʼlumki, futbolchimiz Osiyo kubogi finalida qizil kartochka olgani sababli uchta uchrashuvga diskvalifikatsiya qilingan edi.
Islombek Ismoilov boshchiligidagi Oʻzbekiston U-17 terma jamoasi Jahon chempionatining guruh bosqichini muvaffaqiyatli yakunlab, pley-off bosqichiga yoʻllanmani qoʻlga kiritdi. Endilikda Nurbek Sarsenbaev navbatdagi bosqich oʻyinlarida jamoamizga yordam bera oladi.
Eslatib oʻtamiz, Oʻzbekiston U-17 terma jamoasi Jahon chempionatining 1/16 final bosqichi doirasidagi uchrashuvni 15 noyabr kuni soat 20:45 da Xorvatiya U-17 terma jamoasiga qarshi oʻtkazadi.
Roziqjon Sultonmurodov
Jurnalist