«Nottingem Forest» «Kristal Pelas» hujumchisi Matetaga qiziqmoqda — Sky Sports
Avvalroq futbolchiga «Yuventus» va «Aston Villa» ham ogʻiz solgandi.
FOTO: Getty Images
Angliyaning «Nottingem Forest» klubi «Kristal Pelas» hujumchisi Jan-Filipp Matetani o‘z safiga qo‘shib olishni rejalashtirmoqda. Bu haqda Sky Sports xabar bermoqda.
Avvalroq futbolchiga «Yuventus» va «Aston Villa» klublari ham qiziqish bildirgan edi, biroq londonliklar belgilagan transfer narxi ushbu jamoalarni ortga qaytishga majbur qilgan.
Mateta 2022 yil yanvaridan buyon «Kristal Pelas» safida to‘p surib kelmoqda. Joriy mavsumda u barcha musobaqalarda 33 ta uchrashuvda maydonga tushib, 10 ta gol va 2 ta golli uzatma muallifi bo‘ldi. Futbolchining klub bilan tuzgan amaldagi shartnomasi 2027 yil yoziga qadar mo‘ljallangan.
Transfermarkt portaliga ko‘ra, 26 yoshli fransuz hujumchining bozor qiymati 40 mln yevroni tashkil etadi.
Nasrullo Karimov
Jurnalist