Nemis klublari angliyalik hujumchi Tayler Diblingga qiziqish bildirmoqda
"Sautgempton" klubining 19 yoshli futbolchisi Tayler Dibling jamoa Angliya Premer-ligasidan tushib ketgani sababli mavsum oxirida jamoani tark etadi. Bu haqda Sky Sports jurnalisti Florian Plettenberg o'z ijtimoiy tarmoqlarida xabar berdi. Hozirgi paytda Diblingga "Bavariya" va "RB Leyptsig" klublari qiziqish bildirmoqda. Shuningdek, "Leyptsig"ning uni sotib olish ehtimoli yuqoriroq baholanmoqda.
Diblingning o'zi ham Germaniya chempionatida o'ynab ko'rishga qarshi emasligini ma'lum qildi. "Sautgempton" o'z tarbiyalanuvchisi uchun taxminan 100 million yevro olishni rejalashtirgandi, biroq oxir-oqibat 80 million yevrodan ortiq emas mablag'ga rozi bo'ladi. Diblingga shuningdek, Angliyaning "Tottenhem" klubi ham qiziqish bildirgan, ammo bu qiziqish jiddiy emasligi ma'lum bo'ldi.
Joriy mavsumda Dibling 33 ta o'yinda ishtirok etib, 4 ta gol urdi, 3 ta golli pas berdi va 7 ta sariq kartochka oldi.
