Nagelsmann Lyuksemburg ustidan qoʻlga kiritilgan gʻalaba haqida: «Biz uch ochko qoʻlga kiritganimizdan juda xursandmiz»
Germaniya terma jamoasi bosh murabbiyi Yulian Nagelsmann JCh-2026 saralash bosqichining 5-turida Lyuksemburg ustidan qoʻlga kiritilgan gʻalabadan soʻng (2:0) oʻz fikrini bildirdi.
"Biz uch ochkoga ega boʻlganimizdan juda xursandmiz. Muhimi shu. Futbol – natijaga yoʻnaltirilgan sport turi va biz bunga erishdik. Biroq, ishlar biz kutganimizdan ham qiyinroq boʻlib chiqdi. Birinchi boʻlim boshlarida oʻzimiz kutgan futbolni namoyish eta olmadik, biroq 30-daqiqadan boshlab vaziyat sezilarli darajada yaxshilandi. Bizda koʻplab imkoniyatlar boʻldi, ammo ulardan yetarlicha foydalana olmadik. Gol oʻtkazib yuborishimiz ham mumkin edi. Omadimiz keldi desam ham boʻladi", – deya Nagelsmanning soʻzlarini keltiradi Germaniya futbol assotsiatsiyasining rasmiy sayti.
Maʼlumot uchun, Germaniya terma jamoasi “A” guruhida beshta oʻyindan soʻng 12 ochko jamgʻargan holda peshqadamlik qilmoqda.
