MYu Eriksenni qo'llab-quvvatladi
Eriksen 2022-2025 yillar oralig'ida “Manchester Yunayted” sharafini himoya qilgan.
ФОТО: Getty images
“Manchester Yunayted” ijtimoiy tarmoqlardagi sahifasi orqali Ukraina terma jamoasiga qarshi o‘rtoqlik uchrashuvi (2:1) vaqtida hushidan ketgan Daniya terma jamoasi yarim himoyachisi Kristian Eriksenni qo‘llab-quvvatladi.
Keyinchalik Daniya terma jamoasi futbolchining o‘ziga kelgani va ahvoli yaxshi ekanligini ma’lum qildi.
“Manchester Yunayted”dagi barcha Kristian Eriksenning Ukraina bilan o‘yindan keyingi ahvoli haqidagi yangiliklardan yengil tortdi. Klub Kristian va uning oilasiga kuch-quvvat tilaydi hamda yangi ma’lumotlarni kutib qoladi”, — deyiladi “qizil iblislar” bayonotida.
Eslatib o‘tamiz, Eriksen 2022-2025 yillar oralig‘ida “Manchester Yunayted” sharafini himoya qilgan.
Roziqjon Sultonmurodov
Jurnalist