Mourinyoda Chempionlar Ligasi starti oldidan jiddiy muammo yuzaga keldi
“Real Madrid” Chempionlar Ligasi umumiy bosqichining birinchi turida “Inter”ga qarshi uchrashuv oldidan yarim himoya chizig‘ida jiddiy muammoga duch keldi. Joze Mourinyo mazkur bahsda kamida uch, ehtimol besh nafar yarim himoyachisidan foydalana olmaydi.
Eduardo Kamavinga, Arda Gyuler va Bernardu Silva avvalgi Chempionlar Ligasi mavsumidan qolgan diskvalifikatsiya sabab “Inter”ga qarshi maydonga tusha olmaydi. Shu tariqa Mourinyoning markaziy chiziqdagi tanlovi sezilarli darajada qisqargan.
Orelyen Tchuameni va Tyago Pitarch esa jarohat sabab 2026/27-yilgi mavsumda hali birorta uchrashuvda qatnashmagan. Har ikki futbolchi mashg‘ulotlarga qaytib, “Inter”ga qarshi o‘yin qaydnomasiga kiritilgan bo‘lsa-da, ispan matbuoti ularning asosiy tarkibda maydonga tushishini kutmayapti. Mourinyo avvalroq Trent Aleksander-Arnoldni yarim himoyada ishlatishi mumkinligi haqidagi savolga aniq javob bermagan edi.
Ma’lumot uchun, “Real” — “Inter” uchrashuvi 8-sentabr kuni Madridda bo‘lib o‘tadi. Bahs Moskva vaqti bilan 22:00, Toshkent vaqti bilan esa 9-sentabrga o‘tar kechasi soat 00:00 da boshlanadi. Mourinyo avval “Inter”ni boshqargan va 2010-yilda klub bilan Chempionlar Ligasida g‘olib chiqqan.
