Mourinyo Simeone haqida: “Biz raqibmiz, ammo jangovar safdoshmiz”
“Real Madrid” bosh murabbiyi Joze Mourinyo La Liganing 7-turidan o‘rin olgan “Atletiko”ga qarshi Madrid derbisi oldidan Diego Simeone haqida iliq fikr bildirdi. Portugaliyalik mutaxassis argentinalik murabbiy bilan raqib bo‘lishiga qaramay, unga katta hurmat bilan qarashini ta’kidladi. Bu haqda “Real Madrid” klubi rasmiy sayti xabar bermoqda.
Manbaga ko‘ra, Mourinyo bir vaqtlar Simeone haqidagi hujjatli filmda ishtirok etish taklifini hech ikkilanmasdan qabul qilganini aytdi. “Biz raqibmiz, ammo jangovar safdoshmiz”, — deya ta’kidladi portugaliyalik mutaxassis.
Mourinyo “Atletiko”ni kuchli tarkib va katta tajribaga ega murabbiy boshqarayotgan jamoa sifatida baholadi. Uning fikricha, Simeone yillar davomida o‘z uslubiga mos futbolchilarni yig‘gan va madridliklar mavsum yakunida La Liga chempionligi uchun kurash olib boradi.
Ma’lumot uchun, “Atletiko” — “Real Madrid” uchrashuvi 20-sentabr kuni “Metropolitano” stadionida bo‘lib o‘tadi. Olti turdan so‘ng “Real” 15 ochko bilan uchinchi, “Atletiko” esa 13 ochko bilan to‘rtinchi o‘rinda bormoqda.
