Modrich: «Menga Messi yoki Ronaldu degan savol yoqmaydi, lekin Krishtianuni afzal koʻraman»
«Milan» yarimhimoyachisi Luka Modrich «Messi yoki Ronaldu?» degan savolni yoqtirmasligini aytib, shuningdek, sobiq jamoadoshi — hozirda «An Nasr» safida to‘pi surayotgan Krishtianu Ronalduning insoniy fazilatlari haqida fikr bildirdi.
— Messi yoki Krishtianu Ronaldu?
— «Menga bu savol yoqmaydi. Ular butun bir davrni belgilab berishdi. Menga Krishtianu yaqinroq, chunki men u bilan birga o‘ynaganman, u «Real»da mening jamoadoshim edi.
Ishonch bilan ayta olamanki, u nafaqat buyuk futbolchi, balki aql bovar qilmas darajada zo‘r inson. Odamlar buni har doim ham bilishmaydi, ammo uning yuragi juda katta, u doimo yordam berishga tayyor. U oddiy, kamtar inson», — dedi Modrich.
— Messi haqida nima deysiz?
— «Men uni inson sifatida yaqindan tanimayman, biroq uning ham ajoyib inson ekaniga shubham yo‘q. Futbolchi sifatida esa u — betakror», — deya Modrichning so‘zlarini keltiradi Corriere della Sera.
