MLS. Messining benefisiga aylangan bahsda «Inter Mayami» safarda «Sinsinatti»ni magʻlub etdi
Floridaliklar ushbu gʻalaba orqali yarimfinalga yoʻllanma oldi.
FOTO: Getty Images
24 noyabrga oʻtar kechasi AQShning Sinsinatti shahrida MLS pley-off bosqichining 1/4 finalidan oʻrin olgan «Inter Mayami» va «Sinsinatti» oʻrtasidagi bahs boʻlib oʻtdi. Yakunda mehmonlar yirik 4:0 hisobida gʻalaba qozondi.
«Inter Mayami» safida Lionel Messi, Mateo Silvetti va Tadeo Allende (dubl) gol kiritdi. Shuningdek, Messi jamoasining uchta goliga assistentlik qildi.
Shu tariqa, «Inter Mayami» turnirning yarimfinaliga yoʻllanma oldi.
MLS. 1/4 final
«Sinsinatti» — «Inter Mayami» 0:4
Gollar: Messi (19), Silvetti (57), Allende (62, 74).
Nasrullo Karimov
Jurnalist