MLS. «Inter Mayami» o‘z uyida mag‘lub bo‘ldi
Suares dublga erishdi, Messi golsiz maydonni tark etdi.
ФОТО: Getty imag
MLSning 34-turidan o‘rin olgan “Inter Mayami” hamda “Chikago Fayr” jamoalari o‘rtasidagi uchrashuv bo‘lib o‘tdi.
Gollar shousida 5:3 hisobida chikagolik futbolchilar g‘alaba qozondi. Mayami klubi safida uch gol Aviles va Suares (dubl) nomiga qayd etildi. Ushbu bahsda Messi to‘liq o‘yin o‘tkazdi, ammo samarali harakat qayd etmadi.
Ayni paytda “Inter Mayami” 56 ochko bilan turnir jadvalining 6-pog‘onasini band etgan. Klubni chempionat peshqadami bilan 7 ochko ajratib turibdi.
MLS. 34-tur. 1 oktyabr
Inter Mayami — Chikago Fayr 3:5
Gollar: Aviles 39, Suares 57, 74 (dubl) — Avila 11, Din 31, Kuame 43, Reynolds 80, Gutierres 83.
Roziqjon Sultonmurodov
Jurnalist