Mixail An xotirasiga bag‘ishlangan faxriylar turniri o‘tkazildi
Toshkentda "Paxtakor" afsonalaridan biri Mixail An xotirasiga bag‘ishlab faxriylar o‘rtasida turnir tashkil etildi. Musobaqa O‘zbekiston koreys madaniyat markazlari uyushmasi (rais Viktor Pak) ishtirokida bo‘lib o‘tdi. Turnirda Koreya Respublikasi, AQSH, Qirg‘iz Respublikasi va Qozog‘iston davlatlarining O‘zbekistondagi elchilari tashrif buyurishdi.
Musobaqada 8 jamoa qatnashdi – "Paxtakor" faxriylari, Koreys madaniyat markazlari uyushmasi terma jamoasi, Toshkentdagi Puchon universiteti jamoasi, OAV termasi, shuningdek, Qozog‘iston, Qirg‘iz Respublikasi, Koreya Respublikasi va AQSH elchixonalari jamoalari ishtirok etdi. Unda qirg‘izistonliklar birinchi o‘rinni egallashdi.
Turnir esa Mixail An xotirasini yodga olish orqali umumiy tarix va sport orqali xalqlar o‘rtasidagi munosabatlarni yanada mustahkamlashga xizmat qiladi.
