Mirko Yelichich: \"Uchrashuvda omadimiz kelmadi, lekin o‘yinimizdan qoniqdim\"

Futbol 22 iyn 2025 da 07:05

Roziqjon Sultonmurodov

Jurnalist

Pro-liganing 10-turi doirasida "FarDU"ga qarshi kechgan o‘yindan so‘ng "Olimpik" ustozi Mirko Yelichich o‘z fikrlarini bildirib o‘tdi.

"Biz yaxshi o‘yin ko‘rsata oldik deb o‘ylayman. Odamlar yaxshi futbol tomosha qilish uchun kelishdi va o‘yin barchaga yoqdi deb o‘ylayman. Biz shunday o‘ynashda davom etmoqdamiz. Yosh yigitlarimizning harakatlari menga yoqdi. Uchrashuvda biroz omadimiz kelmadi. Lekin men o‘yinimizdan qoniqdim".

— Jamoa standart vaziyatlar borasida alohida ishlagani ko‘rinib turibdi. Vaziyatni golga aylantirishga nima yetishmadi?
— Futbolchilar yosh va ba’zi vaziyatlarda ularga sovuqqonlik yetishmaydi. Ba’zida bunday holatlarda gol urishni uddalashadi, ba’zida esa o‘xshamaydi. Omadga ham bog‘liq. Biz har kuni standartlar ustida ishlaymiz.

— Yozgi transfer oynasi uchun jamoaning rejalari qanday?
— O‘zgarishlar katta bo‘lmaydi. Yaxshi futbolchilarimizni boshqa jamoalarga bera olmaymiz. Aks holda ularning o‘rniga boshqalarni topishimiz kerak bo‘ladi. Hozirgi asosiy vazifamiz yoshlarni tarbiyalash. Moliyaviy imkoniyatlarimiz ham katta emas. Agar yigitlarga katta jamoalardan takliflar bo‘lsa, albatta ularni beramiz. Ularni katta futbolga tayyorlab berish maqsadimiz.

Aloqador jamoalar va ligalar

Olympic