«Milan» Fyullkrug transferi boʻyicha «Vest Hem» bilan kelishuvga erishdi
«Milan» hujumchi Niklas Fyullkrugning transferi borasida «Vest Hem» bilan kelishuvga erishdi. Futbolchi ijara asosida, keyinchalik to‘liq sotib olish huquqi bilan Milan klubiga o‘tadi, deb xabar bermoqda La Gazzetta dello Sport.
Joriy hafta davomida Fyullkrug «Milan»da tibbiy ko‘rikdan o‘tadi. Nemis hujumchisi maoshini biroz kamaytirishga rozi bo‘lgan va «Vest Hem»ga qaytishni istamayapti. Futbolchi Milan shahriga bugun kechqurun yoki seshanba kuni ertalab yetib kelishi mumkin.
Joriy mavsumda Fyullkrug barcha musobaqalarda to‘qqizta uchrashuvda maydonga tushdi, biroq hali samarali harakatlar bilan ajralib chiqqani yo‘q. Umumiy hisobda u 413 daqiqa o‘ynagan.
Transfermarkt ma’lumotlariga ko‘ra, futbolchining bozor qiymati 8 mln yevroni tashkil etadi.
