«Milan» 7 nafar futbolchi bilan xayrlashmoqchi
“Milan” 1-sentabr kuni yopiladigan transfer oynasi yakuniga qadar jamoaning yetti nafar futbolchisi bilan xayrlashishni rejalashtirmoqda. Klub bunga bosh murabbiy Ruben Amorimning tarkibni optimallashtirish istagi sabab tayyor. Bu haqda Sky Sport Italia xabar berdi.
Manbaga ko‘ra, “Milan” himoyachilar Fikayo Tomori, Filippo Terraccano, Pervis Estupin'yan va David Odogu, yarim himoyachilar Kristofer Nkunku va Yussuf Fofana, shuningdek, hujumchi Santyago Ximenesni sotishni rejalashtirmoqda.
Milan klubi egasi Jerri Kardinale transfer oynasidagi rejalarni muhokama qilish maqsadida Amorim bilan uchrashuv o‘tkazgan.
“Milan”da bir oy ishlagan portugaliyalik mutaxassis jamoa tarkibida qaysi futbolchilarni ko‘rishni istamasligini allaqachon aniqlab olgan. Endi klub rahbariyati murabbiyning rejalariga muvofiq tarkibni qisqartirish va yangi futbolchilar uchun joy ochishga harakat qiladi.
