Мессининг Ҳиндистондаги ҳайкали бузиб ташланди

Лионель Мессининг Ҳиндистондаги улкан ҳайкали олиб ташланди. Бу ҳақда Asian News International нашри хабар берди.

Манбага кўра, Ҳиндистоннинг Калкутта шаҳридаги саккиз карра «Олтин тўп» соҳиби Лионел Мессининг ҳайкали олиб ташланди. Ҳайкал 2025 йил декабр ойида аргентиналик футболчининг Ҳиндистонга ташрифи пайтида очилган. 21 метрли олтин ҳайкалда Месси Жаҳон чемпионати кубогини ушлаб турган ҳолда тасвирланган.

Маҳаллий аҳолининг хабар беришича, ҳайкал кучли шамолда тебранаётганидан шикоят қилишган.

Аргентиналик 38 ёшли форвард 2023 йилдан бери «Интер Майами» жамоасида ўйнаб келмоқда.

Roziqjon Sultonmurodov

Jurnalist