Messi Gondurasga qarshi bahsni o‘tkazib yuboradi
Amaldagi jahon chempionlari mundialdagi ishtirokini 17 iyun kuni boshlaydi.
ФОТО: Getty images
Lionel Messi Argentina terma jamoasining Gondurasga qarshi yaqinlashib kelayotgan o‘rtoqlik uchrashuvini o‘tkazib yuboradi.
38 yoshli futbolchi hanuzgacha noqulaylik his qilmoqda, shu sababli bo‘lajak uchrashuvda maydonga tushmaydi, deb xabar bermoqda jurnalist Gaston Edul.
Shu bilan birga, manbaning taʼkidlashicha, yulduz hujumchining JCh-2026 guruh bosqichining birinchi turida Jazoirga qarshi bahsda ishtirok etishiga hech narsa xavf solmaydi. "Albiseleste"ning Gonduras bilan o‘yini 7 iyun kuni bo‘lib o‘tadi.
Uch kundan so‘ng Lionel Skaloni jamoasi ikkinchi o‘rtoqlik o‘yinini o‘tkazadi – raqib Islandiya bo‘ladi. Amaldagi jahon chempionlari mundialdagi ishtirokini 17 iyun kuni boshlaydi.
Roziqjon Sultonmurodov
Jurnalist