Messi bir o‘yinga diskvalifikatsiya qilindi
Photo: Getty Images
“Inter Mayami” hujumchisi Lionel Messi bir o‘yinga diskvalifikatsiya qilindi. Bu haqda ESPN nashri xabar bermoqda.
Bunga argentinalik futbolchining MLS yulduzlari jamoasi safida o‘yin o‘tkazishdan bosh tortgani sabab bo‘lgan.
Manbalarga ko‘ra, 38 yoshli Messi 23 iyul, chorshanba kuni bo‘lib o‘tgan uchrashuvda ishtirok etmagan. Ushbu bellashuvda MLS yulduzlari Meksika chempionatining eng yaxshi futbolchilaridan tuzilgan jamoaga qarshi maydonga tushib, 3:1 hisobida g‘alaba qozongan.
MLS reglamentiga ko‘ra, yulduzlar o‘yinida qatnashmaslik futbolchining keyingi klub o‘yinida maydonga tushmasligiga olib keladi. Shu sababli, Messi yaqinlashib kelayotgan navbatdagi o‘yinda “Inter Mayami”ga yordam bera olmaydi.
Roziqjon Sultonmurodov
Jurnalist