Mbappe endilikda dunyoning eng qimmat futbolchilari qatoriga kirdi
Fransiyalik forvard hozirda 200 million yevroga baholanmoqda.
FOTO: Getty Images
Transfermarkt internet-portali Ispaniya La Ligasida to‘p surayotgan futbolchilarning bozor qiymatini yangilagach, «Real» hujumchisi Kilian Mbappe 200 mln yevroga baholana boshladi.
Shu tariqa fransiyalik forvard «Manchester Siti» hujumchisi Erling Holand va «Barselona» vingeri Lamin Yamal bilan bir qatorda dunyoning eng qimmat futbolchilaridan biriga aylandi.
Ularning eng yaqin ta’qibchisi — «Real»ning hujumkor yarimhimoyachisi Jud Bellingem bo‘lib, uning transfer qiymati 160 mln yevro etib belgilangan.
Biroq so‘nggi yangilanish natijasida ingliz futbolchisi 20 mln yevroga arzonlashgan. Avvalroq uning bahosi 180 mln yevroni tashkil etgan edi.
Nasrullo Karimov
Jurnalist