Mane Senegal milliy terma jamoadagi faoliyatini yakunladi
Sadio terma jamoa libosida 130 ta o‘yin o‘tkazib, 54 ta gol urgan.
ФОТО: Getty images
Senegal terma jamoasining yetakchi hujumchisi Sadio Mane milliy jamoa tarkibidagi faoliyatini yakunladi. Bu haqda senegallik Le Quotidien nashri xabar berdi.
"Bilingki, men bu bayroq uchun barcha narsadan voz kechdim. Butun kuchimni berdim va har doim yurtimiz uchun maydonda oxirigacha kurashdim", – dedi Mane o‘z bayonotida.
Ma’lumot uchun, 34 yoshli Sadio Mane Senegal terma jamoasi safida 130 ta o‘yin o‘tkazib, 54 ta gol urgan.
Futbolchi Senegal bilan birga 2021 yilda Afrika millatlar kubogi sohibi bo‘lgan, shuningdek, 2019 va 2026 yillarda musobaqaning kumush medalini qo‘lga kiritgan.
Roziqjon Sultonmurodov
Jurnalist