Mane bahsli penaltidan soʻng maydonni tark etgan jamoadoshlarini nega ortga qaytarganini aytdi
Senegal milliy terma jamoasi va Saudiya Arabistonining «An Nasr» klubi hujumchisi Sadio Mane Afrika Millatlar Kubogi finalida Marokashga (1:0) qarshi o‘yinda yuz bergan voqealar haqida fikr bildirdi.
Bahsli penalti belgilanganidan so‘ng Senegal bosh murabbiyi Pap Tyav jamoani maydonni tark etishga majbur qilgan edi, Mane esa o‘yinchilarni qaytardi.
«Hakamlarda ham xatolar bo‘lishi mumkin, shuning uchun ularni tanqid qilish adolatsizlik bo‘ladi. Eng muhimi, men buni dunyodagi barcha odamlar uchun qilgan edim, ular o‘yinni oxirigacha ko‘rishni xohlashardi», — dedi Mane.
Eslatib oʻtamiz, Senegal g‘alabasini qo‘shimcha vaqtning oxirida Pap Geye kiritgan gol ta’minladi. Shu tariqa Senegal tarixda ikkinchi marta Afrika Millatlar Kubogi g‘olibi bo‘ldi.
