«Manchester City» Neves transferi uchun 120 mln yevro sarflashga tayyor
Joau Neves 2024 yilning yozidan buyon "PSJ" sharafini himoya qilib kelmoqda.
ФОТО: Getty images
"Manchester City" kelajakda maydon markazida Rodrining o‘rnini bosadigan futbolchi qidirmoqda.
Transfer News Live’ning Fichajes portaliga tayanib xabar berishicha, "shaharliklar" "PSJ" yarim himoyachisi Joau Neves transferi uchun 120 million yevro tayyorlamoqda. Agar tomonlar kelisha olmasa, bonuslar ham qo‘shilishi mumkin.
Joau Neves 2024 yilning yozidan buyon "PSJ" sharafini himoya qilib kelmoqda. Umuman olganda, portugaliyalik parijliklar safida 63 ta rasmiy o‘yin o‘tkazib, o‘z hisobiga 10 ta gol va sheriklariga 10 ta golli uzatma yozdirib qo‘ygan.
Roziqjon Sultonmurodov
Jurnalist