Ma'lum bo‘ldi: Fayzullaevni «Istanbul Bashakshehir»ga kim tavsiya etgan
CSKA va O‘zbekiston terma jamoasi yarimhimoyachisi Abbosbek Fayzullaevning Turkiyaning «Istanbul Bashakshehir» klubiga tavsiya etilishi haqida yangi ma'lumotlar paydo bo‘ldi.
Insayder Ivan Karpovning xabar berishicha, o‘zbek futbolchisining mazkur klubga o‘tishida City Football Group asosiy rol o‘ynagan. Ma'lumotlarga ko‘ra, ushbu xolding tahlilchilari aynan Fayzullaev nomzodini «Bashakshehir»ga tavsiya etgan.
Bu qaror bir nechta omillar bilan asoslangan:
• Fayzullaevning CSKA bilan amaldagi shartnomasi 2026 yilgacha mo‘ljallangani tufayli, uni yaqin kelajakda transfer qilish imkoniyati yuqori;
• o‘zbek va turk madaniyatlarining o‘xshashligi;
• Rossiyadan Turkiyaga pul o‘tkazish imkoniyati mavjud bo‘lib, bu kelishuv logistikasi yengillashtiradi.
Eslatib o‘tamiz, Abbosbek Fayzullaev 2023 yil yozida Toshkentning «Paxtakor» jamoasidan CSKAga o‘tgan va shundan buyon barqaror rivojlanishni namoyon etmoqda.
