Lukaku Belgiya terma jamoasining Jahon chempionatidagi eng yaxshi to'purariga aylandi
Lukaku Belgiya tarixiga kirdi
Foto: Getty Images
Belgiya terma jamoasi hujumchisi Romelu Lukaku Jahon chempionatlaridagi milliy rekordni yangiladi.
JCh-2026 guruh bosqichining 3-turida Belgiya Yangi Zelandiyani 5:1 hisobida mag‘lub etdi. Ushbu uchrashuvda Lukaku ham raqib darvozasini ishg‘ol qilib, mundiallardagi gollari sonini 6 taga yetkazdi.
Shu tariqa, 33 yoshli hujumchi Belgiya terma jamoasi tarixida Jahon chempionatlarida eng ko‘p gol urgan futbolchiga aylandi.
Avvalgi rekord Mark Vilmotsga tegishli edi. U JCh-1998 va JCh-2002 turnirlarida jami 5 ta gol urgan edi.
Nasrullo Karimov
Jurnalist