Luis Enrike: «Chempionlar ligasi — har qanday muammoga qarshi eng yaxshi dori!»
«Pari Sen-Jermen» bosh murabbiyi Luis Enrike Chempionlar Ligasining navbatdagi muhim bahsi oldidan jamoasining holati haqida gapirib o‘tdi. Murabbiyning ta’kidlashicha, parijliklar ayni damda ham jismoniy, ham ruhiy jihatdan o‘zining cho‘qqisida turibdi.
UEFA rasmiy sayti Enrikening quyidagi so‘zlarini keltirmoqda:
«Hozirgina so‘nggi mashg‘ulotimizni yakunladik. Barcha a’lo darajadagi sport formasida. Chempionlar Ligasi — har qanday muammoga qarshi eng yaxshi dori. Futbolchilardan hol-ahvol so‘rashga hojat ham yo‘q, chunki hamma birdek 100 foiz tayyorligini aytadi. Ushbu turnir biz uchun ulkan motivatsiya manbaidir», — deya ishonch bilan ta’kidladi mutaxassis.
Maʼlumot uchun, Chempionlar Ligasi umumiy bosqichining 8-turi doirasidagi «PSJ» hamda «Nyukasl» o‘rtasidagi to‘qnashuv bugun, 28 yanvar kuni Toshkent vaqti bilan 01:00 da boshlanadi. Bahs Parijdagi muhtasham «Park de Prens» stadionida bo‘lib o‘tadi.
