Luis Dias YeChLda 3 o‘yinga chetlatildi
Futbolchining jiddiy qo'pol harakati sabab Ashraf jarohat olib, safdan chiqqan.
ФОТО: Getty images
"Bavariya" vingeri Luis Dias Chempionlar Ligasi 4-turidan o‘rin olgan "PSJ"ga qarshi (2:1) safar o‘yinida parijliklar himoyachisi Ashraf Hakimiyga nisbatan juda qo‘pol o‘ynagani uchun qizil kartochka olgan edi.
UEFA 28 yoshli kolumbiyalik futbolchini o‘sha harakati uchun Chempionlar ligasida 3 ta o‘yinga diskvalifikatsiya qildi.
Shunday qilib, Dias "Arsenal" (26 noyabr, safarda), "Sporting" (9 dekabr, uyda) va "Union Sent-Jilluaz"ga (21 yanvar, uyda) qarshi o‘yinlarni o‘tkazib yuboradi.
Roziqjon Sultonmurodov
Jurnalist