Londonning «Chelsi» klubi «Renn» himoyachisi Jeremi Jake bilan shaxsiy shartnoma shartlarini kelishib oldi.

Londonning «Chelsi» klubi «Renn» himoyachisi Jeremi Jake bilan shaxsiy shartnoma shartlarini kelishib oldi. Bu haqda jurnalist Fabritsio Romano o‘zining X ijtimoiy tarmog‘idagi sahifasida xabar berdi.

Manbaning ma’lumotlariga ko‘ra, 20 yoshli futbolchi Angliya Premer-ligasi klubiga o‘tishga tayyor, ammo muzokaralar hali ham davom etmoqda. «Renn» fransuz futbolchisi uchun 65 mln yevro talab qilmoqda.

Jeremi Jake "Renn" safida tarbiyalangan futbolchi hisoblanadi. Joriy mavsumda u Fransiya chempionatida 16 ta o‘yin o‘tkazdi va har bir o‘yinni boshlang‘ich tarkibda boshlangan. Transfermarkt portali ma’lumotiga ko‘ra, futbolchining bozor qiymati 20 mln yevroni tashkil qiladi.

Ibrohim Jalolov

Redaktor