Loew O‘zbekiston milliy jamoasi bosh murabbiyi bo‘lish taklifini rad etdi — manba
Photo: Getty Images
Germaniya milliy jamoasining sobiq bosh murabbiyi Joaxim Loew O‘zbekiston milliy jamoasi bosh murabbiyi bo‘lish taklifini rad etdi. Bu haqda Germaniyaning mashhur Bild portali xabar berdi.
Ma’lum bo‘lishicha, mutaxassis O‘zbekiston milliy jamoasi vakillari bilan Berlindagi elchixona orqali muzokara o‘tkazgan. Oradan bir necha kun o‘tgach, Loew bu taklifni muloyimlik bilan rad etgan.
Hozirda Joaxim bosh murabbiylik faoliyatini tugatmoqchi emas. U yana bir qancha qulay takliflarni ko‘rib chiqib, so‘ng yakuniy qarorga kelishni rejalashtirmoqda.
Roziqjon Sultonmurodov
Jurnalist