«Liverpul» va Angliya milliy jamoasining sobiq hujumchisi besh yilgacha ozodlikdan mahrum qilinishi mumkin
Sobiq «Liverpul» va Angliya terma jamoasi hujumchisi Endi Kerrall ayolga qarshi ta'qib qilish taqiqini buzganlik uchun besh yilgacha qamoq jazosiga hukm qilinishi mumkin. Bu haqda The Guardian nashri xabar berdi.
«Esseks politsiyasining ta’kidlashicha, ta'qib qilish taqiqini buzganlik uchun jazolar jarimadan tortib, eng og‘ir holatlarda besh yilgacha qamoqgacha o‘zgaradi», — deya xabar beradi nashrning sayti.
Kerrall aprel oyida zo‘rlashga urinishda gumon qilinib hibsga olingan va 2026 yil fevraligacha belgilangan shartlar asosida kafolat bilan ozod qilingan edi.
Manbalarga ko‘ra, u ushbu shartlarni buzib, jabrlanuvchini ta'qib qilishni davom ettirgan. Dastlabki eshituv 30 dekabrda Chelmsford magistrat sudida bo‘lib o‘tadi.
Iyun oyida Kerrall Fransiyaning «Bordo» klubini tark etgan, u bilan 2024 yil sentyabrida shartnoma imzolagan edi. O‘tgan mavsumda u klub safida 23 ta uchrashuvda 11 ta gol urgan. So‘nggi olti oy davomida angliyalik futbolchi Angliya oltinchi ligasidagi «Dagenham & Redbridge» jamoasida to‘p surgan.
Bundan tashqari, Kerrall «Amyen», «Nyukasl», «Reding», «Vest Hem» va «Vest Bromvich» klublarida ham faoliyat yuritgan.
