«Liverpul» «Renn» himoyachisi Jeremi Jakeni nishonga oldi
«Liverpul» Fransiyaning «Renn» klubi himoyachisi Jeremi Jakega qiziqish bildirmoqda. Bu haqda jurnalist Sasha Tavolieri X ijtimoiy tarmog‘idagi sahifasida xabar berdi.
Manbaga ko‘ra, mersisaydliklar Jakeni jamoani tark etishi kutilayotgan Ibrahima Konatening o‘rnini bosuvchi futbolchi sifatida ko‘rmoqda.
Konatening klub bilan amaldagi shartnomasi 2026 yil yozida yakunlanadi va u erkin agent sifatida ketishi mumkin. Jake esa Yevropaning eng istiqbolli yosh himoyachilaridan biri sifatida baholanmoqda.
Jeremi Jake — «Renn» akademiyasi tarbiyalanuvchisi bo‘lib, u 2024 yildan buyon asosiy jamoa safida to‘p surmoqda. Shu vaqtgacha u klub tarkibida 27 ta o‘yinda maydonga tushgan. Transfermarkt ma’lumotlariga ko‘ra, uning hozirgi bozor qiymati 12 million yevroni tashkil etadi.
