Liga 1 jamoalarining transfer qiymati yangilandi: «PSJ» tarkibi 1 milliard yevrodan oshdi

Transfermarkt portali Liga 1 klublarida to‘p surayotgan futbolchilarning bozor qiymatini yangiladi. Yangilanish natijalariga ko‘ra, eng qimmat tarkib kutilganidek «PSJ» klubiga tegishli bo‘ldi — 1,22 milliard yevro.

Ikkinchi pog‘onadan futbolchilari 392 million yevroga baholangan «Monako» joy oldi. Kuchli uchlikni esa «Marsel» jamoasi yakunlab berdi — 386 million yevro.

Transfermarkt talqiniga ko‘ra Liga 1 ning eng qimmat 5 ta tarkibi:

1. «PSJ» — 1,22 mlrd yevro.
2. «Monako» — 392 mln yevro.
3. «Marsel» — 386 mln yevro.
4. «Strasburg» — 362 mln yevro.
5. «Lion» — 283 mln yevro.

Qayd etilishicha, avvalgi yangilanishga nisbatan «PSJ» tarkibining umumiy bozor qiymati 1,6 foizga oshgan.

Nasrullo Karimov

Jurnalist