Levandovski «Barselona»dagi kelajagi haqida fikr bildirdi
"Barselona" hujumchisi Robert Levandovski kelajagi haqida o‘z fikrini bildirdi.
"Men deyarli 38 yoshdaman, lekin o‘zimni jismonan yaxshi his qilyapman, shu sababli turli imkoniyatlarni ko‘rib chiqyapman.
Men faqat o‘ynash emas, balki hayotdan zavq olish vaqti ham kelganini inobatga olishim kerak. Pastki liga klublari? Bunday variant ham bo‘lishi mumkin va men bunga yo‘l qo‘ymayman, deb ayta olmayman. Kontraktim tugashiga hali taxminan 50 kun bor, shu sababli qaror qabul qilish uchun vaqt yetarli. Men bir nechta takliflarni eshitaman va shundan so‘ng qaror qabul qilaman.
Hozirgi joyimni qadrlayman va bu yer menga yoqadi. Keyingi qadamlar qanday bo‘lishini ko‘ramiz, biroq bir narsani aniq ayta olaman: men faoliyatimni davom ettirmoqchiman", — dedi polyak hujumchi AS nashriga bergan intervyusida.
Eslatib o‘tamiz, Levandovski joriy mavsumda "Barselona" bilan Ispaniya chempionligini qo‘lga kiritdi.
