Leau: «Birligimiz jahon chempionatida muvaffaqiyat kaliti bo‘ladi»
Portugaliya milliy terma jamoasi hujumchisi Rafael Leau Jahon chempionati–2026da jamoaga muvaffaqiyat olib kelishi mumkin bo‘lgan asosiy omil haqida fikr bildirdi.
«Biz — Portugaliyamiz va har qanday raqibni hurmat qilamiz. Jamoamizning yuqori saviyasi va qiyin vaziyatlarni yengib o‘tish qobiliyatini namoyon etmoqdamiz. Yuqori darajadagi jamoa og‘ir pallalarni ham yengib o‘tishni bilishi kerak. Menimcha, aynan shu jihat bizga ushbu Jahon chempionatida muvaffaqiyatga erishishda yordam beradi. Bizning jamoamiz juda ahil», — dedi Leau A Bola nashriga.
Jahon chempionati–2026 guruh bosqichi yakunlariga ko‘ra, Portugaliya terma jamoasi 5 ochko to‘plab, K guruhida ikkinchi o‘rinni egalladi.
Portugaliya pley-offning 1/16 final bosqichida Xorvatiya milliy terma jamoasiga qarshi maydonga tushadi.
