Kroos: «Barselona» bu mavsumda hech qanday xalqaro sovrinlarni yuta olmaydi»
Madridning «Real» klubi va Germaniya terma jamoasining sobiq yarimhimoyachisi Toni Kroos «Barselona» joriy mavsumda birorta ham xalqaro sovrinni qo‘lga kirita olmasligini aytdi.
— «Barselona» Ispaniya Superkubogidagi g‘alabadan juda mamnun, biroq endi ularni Chempionlar Ligasi kutmoqda. Bu musobaqada raqiblar ancha yuqori saviyada bo‘ladi.
— Ular birorta ham xalqaro titulni yutmaydi. Hech bo‘lmaganda, mening fikrim shunday, — deya Kroosning so‘zlarini keltiradi Sport.es nashri.
Ma’lumot o‘rnida, «Barselona» Yevropa Chempionlar Ligasi umumiy bosqich turnir jadvalida hozirda 15-o‘rinni egallab turibdi. Olti uchrashuv yakunlariga ko‘ra, «ko‘k-anorranglilar» hisobida 10 ochko mavjud. Musobaqaning 7-turida kataloniyaliklar «Ayntraxt»ga qarshi maydonga tushadi.
