Krishtianu Ronaldu yangi mavsumda ilk bor “Al-Nasr” qaydnomasiga kiritildi
“Al-Nasr” hujumchisi Krishtianu Ronaldu Saudiya Arabistoni chempionatining 2-turidan o‘rin olgan “Ar-Riyod”ga qarshi uchrashuv uchun jamoa qaydnomasiga kiritildi. Bu 41 yoshli portugaliyalik futbolchining yangi mavsumdagi ilk rasmiy uchrashuvi bo‘lishi mumkin.
Ronaldu 2026-yilgi jahon chempionatidan keyin rasmiy uchrashuvlarda maydonga tushmagan. Mundialda u Portugaliya terma jamoasi safida 5 ta o‘yin o‘tkazib, 3 ta gol urgan. Portugaliya esa musobaqani 1/8 final bosqichida yakunlagan.
“Ar-Riyod” — “Al-Nasr” uchrashuvi 21-avgust kuni bo‘lib o‘tadi. Agar Ronaldu maydonga tushsa, bu uning 2026/27-yilgi mavsumdagi birinchi rasmiy o‘yini bo‘ladi.
Ma’lumot uchun, Ronaldu o‘tgan mavsum “Al-Nasr” safida barcha musobaqalarda 37 ta uchrashuv o‘tkazib, 30 ta gol va 3 ta golli uzatma qayd etgan. Portugaliyalik futbolchi avvalroq joriy mavsum professional faoliyatidagi so‘nggisi bo‘lishi mumkinligini ham aytgan.
