Koke: «Shu ruhda davom etish kerak»

"Atletiko" yarim himoyachisi Koke Ispaniya chempionatining 11-turidan o‘rin olgan "Sevilya"ga (3:0) qarshi o‘yindan so‘ng o‘z fikrlarini bildirdi.

“Jamoa a’lo darajada ishladi. Biz yana darvozamizni "quruq" saqladik, bu biz uchun juda muhim. O‘ylaymanki, biz o‘zimiz uchun muhim g‘alabani qo‘lga kiritdik. Shu ruhda davom etish kerak”, – dedi ispaniyalik xavbek o‘yin yakunida.

Ma’lumot uchun, "Atletiko" hisobidagi ochkolar soni 22 taga etdi va jamoa turnir jadvalida to‘rtinchi o‘rinda bormoqda. La Ligada esa "Real" 30 ochko bilan peshqadamlik qilmoqda.

Roziqjon Sultonmurodov

Jurnalist