Klaudio Echeverri «Benfika»ga o‘tdi
O‘tgan mavsumda u ijara asosida «Jirona» safida to‘p tepgan edi.
ФОТО: Getty images
Argentinalik iqtidorli yarim himoyachi Klaudio Echeverri faoliyatini Portugaliyaning «Benfika» klubida davom ettiradi. 20 yoshli futbolchi «Manchester Siti»dan ijara asosida Lissabon jamoasiga qo‘shildi.
«Benfika» Echeverri bilan shaxsiy shartnoma shartlarini kelishib olgan. Tomonlar futbolchining bir mavsumlik ijarasi bo‘yicha kelishuvga erishgan, bitimda uni sotib olish imkoniyati ham mavjud.
Echeverri 2024 yilda «River Pleyt»dan «Manchester Siti»ga ko‘chib o‘tgan. O‘tgan mavsumda u ijara asosida «Jirona» safida to‘p tepgan edi.
