Kilian Mbappe qachon maydonga qaytishi ma'lum bo'ldi

Futbol 22 apr 2025 da 10:39

Nasrullo Karimov

Журналист

Madridning “Real” klubi hujumchisi Kilian Mbappe tez orada maydonga qaytadi. Bu haqda jurnalist Migel Anxel Dias ijtimoiy tarmoqlarda xabar berdi.

Manbaga ko'ra, fransiyalik futbolchi La Liga doirasida bo'lib o'tadigan “Xetafe”ga qarshi bahsni o'tkazib yuboradi. Biroq “Barselona”ga qarshi Ispaniya Kubogi finalida ishtirok etishi mumkin.

Ma'lumot uchun, Mbappe joriy mavsum barcha turnirlarda 50 ta o'yinda maydonga tushib, 33 ta gol urdi va 5 ta golli uzatmani amalga oshirdi. Uning “Qirollik klubi” bilan tuzgan amaldagi shartnomasi 2029-yilning yoziga qadar amal qiladi.

Aloqador jamoalar va ligalar

Real Madrid

Barcelona

Ispaniya kubogi