Kilian Mbappe: «Bu – Fransiya tarixidagi eng kuchli terma jamoa emas»

Fransiya terma jamoasi hujumchisi Kilian Mbappe JCH–2026 chorak finalida Marokash ustidan qozonilgan 2:0 hisobidagi g‘alabadan keyin o‘z fikrlarini bildirdi.

Ushbu bahsda Mbappe bir gol urdi va bir golli uzatmani amalga oshirib, jamoasining yarim finalga chiqishiga katta hissa qo‘shdi.

«Bu – Fransiya tarixidagi eng kuchli terma jamoa emas. Ammo bu jamoaning salohiyati juda yuqori. Eng yaxshi jamoalar — sovrin yutadigan jamoalardir», — deya Mbappening so‘zlaridan keltiradi insayder Fabritsio Romano.

Eslatib o‘tamiz, Dide Desham shogirdlari Jahon chempionati yarim finalida Ispaniya — Belgiya juftligi g‘olibi bilan kuch sinashadi.

Ibrohim Jalolov

Redaktor

0 0 0 0 0 0